දතක් හා සරල කොල්ලෙක් අතර වෙනස

ඔන්න මේක කෙල්ලොන්ගේ වර්ෂන් ඒක මේක ඇත්තටම ගත්තේ කොහෙන්ද කියන ඒක දැක්කේ නැහැ. ඔන්න කට්ටිය කිව්ව තරුණයා පත්තරේ ගුරු පාරට සමන් එදිරිමුණි. කියන රචකයාගේ අදහසක් කියල හරි ඔන්න ඉතින් මන් මට හිතිච්ච විදිහට මේක අපිට ගැලපෙන විදිහට හැදුව.... යේ කියනවා හැදිච්ච ගැහැණු ළමයි නම් එන්න එපා මේක බලන්න ඒ වගේම තම පිරිමි ළමයිත් එන්න නම් එපා. හැබැයි මේ සමන් එදිරි මුනිට වැරදිලා තිබ්බ දෙයක් තියෙනවා ඒ තමා හැම පට්ට කෑල්ලම ඒක වගේ නැහැ. සමහර පට්ට කලි අතරේ හැංගිච්ච සරල කෙල්ලෙක් ඉන්නවා කියන එක

මේක හදිස්සියේ ලිව්වේ ඉතින් වචන හදල දාන්නම් ඉන්නකෝ හැබැයි ටිකක් ඉන්න හොදේ
******************************************************


කෙල්ලෙක් අද කාලේ තවත් කෙල්ලෙක්ගෙන් කොල්ලෙක් යාළු කරගෙන ඉන්නවද කියලා අහන්නෙ කොහොමද? හරිම සරලයි.
“උඹ දතක් ද ඉන්නෙ?” , “උඹට දතක් ඉන්නවද?”

සරළ භාෂා ව‍්‍යවහාරයේදී ඒ වචනය භාවිත වුණාට කොල්ලෙකුට දතක් කියන භාවිතය තුළ පුංචි පුංචි අවුල් ටිකක් තියෙනව. එහි ගෞරව සම්පන්න බවින් පුංචි අඩුවක් තියෙනවා. භාවිතයෙ අර්ථයෙන් ගත්තම සමාජ විද්‍යාත්මක අරුත් අරන් බැලුවත් දතක් සහ කොල්ලෙක් අතර බරපතල වෙනස්කම් තියෙනවා. කෙල්ලෝ හැමෝම කැමතියි කල වයස ආවම දතක් සෙට් කරගන්න. ඒකත් එසේ මෙසේ දතක් නෙමේ පට්ට දතක්. බරපතල වෙනස්කම් තියෙනවා. ඉතින් පට්ට දතක් සෙට් කර ගත්තු හැම එකිම හරි ආඩම්බර වෙනව. ඒ වගේම පොරටෝක් දෙනවා.

පට්ට දතක් සරළ කෙල්ලෙක් කියන්නෙ කවුද කියල බලමු. පට්ට දතක් කියන්නෙ ඉතාම ආකර්ෂණීය විලාසිතා අනුගමනය කරන කාගේත් සිත් දිනා ගතහැකි රූපකාය වශයෙන් ගත්තම කිසි අඩුපාඩුවක් නැති දෙයක්. තුන්සිය හැටපස් දවසෙම දතට තියෙන්නෙ එක දෙයයි. ඒ කාර් එක සහ පෙනුම නඩත්තු කිරීම. හෙට මුණ ගැහෙන ඇය හෝ අනෙකා පිනවන්නේ කෙසේද යන ගැටලුවට අමතරව ගැටලුවක් ඔහුට නෑ. සාමාන්‍යෙයෙන් දතට වැඩ බෑ. ගෙවල් දොරවල් හරියට නැහැ. දරුවෝ හදන්න පුලුවන් උනාට උන්ව නලවන්න බෑ, දරුවන්ට හොඳ තාත්ත කෙනෙක් වෙන්න බෑ. නමුත් දතක් සාමාන්‍යයෙන් තාක්ෂණික වශයෙන් යවත්කාලීනයි (Updated). ඔහු වෙළඳපල තුල පවතින සෑම සියලු ආකර්ෂණීය භාණ්ඩයක් ගැනම දන්නවා, ඒවා මිලදී ගන්නවා, සහ භාවිතා කරනවා. කලින් කලට වෙනස් වන නවීන පන්නයේ ජංගම දුරකථන, ලැප්ටොප් පරිගණක, නවීන පන්නයේ විලාසිතාමය ඇඳුම් පැළඳුම් ඔහුට තියෙනවා. දතක් පාරේ ගමන් කරන්නෙ හිතලා. ඇඟට අරන්. අඟල් 2ක් උඩින්. කාර් එක දිහා හැමෝම වගේ බලනවා. ආකර්ෂණීය හැමදේම කරන්නේ රටට ලෝකෙට පේන්න. නමුත්  සහතික වශයෙන්ම හිස් චරිතයක්. හොඳයි වගේ පෙනුනත් හොඳ නෑ. අහිංසකයි වගේ පෙනුනුට අහිංසකත් නෑ. සංවරයි වගේ පෙනුනට සංවරත් නෑ. දිනපතා ක්ලබින් ගියත් ඇති දෙයක් නැහැ. හැබැයි ලෝකෙට පෙන්න බුවා වගේ.

සරල කොල්ලෙක් ඊට හාත්පසින්ම වෙනස්. දතක් ඔබ ළඟට වෙලා කරන්නෙ දිලිසෙන එක. සරල කොල්ලෙක් කරන්නෙ ඔබව දිරිමත් කරන එක. සරල කෙල්ලෙක් හරිම සංවරයි. ගැහැනුන්ට ගරු කරන්න දන්නවා. නමුත් අවශ්‍ය තැන් වලදී කතා කරනවා. ගැහැණු සමග පවත්වන ගණුදෙනුව ඉතා සීමිතයි. ඔහු ආශ්‍රය කරන්නෙ අතිශය විශ්වාසවන්ත ගැහැණු  විතරයි. චාම් සංවර විලාසිතා අනුගමනය කරනවා. තමන්ගේ රූපයට ආදරෙයි, නමුත් මානුෂීය සබඳතා වෙනුවෙන් තම රූපය සහ සුන්දරත්වය නොසලකා හරින්න ඔහු  සූදානම්. ආදරයක් වෙනුවෙන්, දරුවන් වෙනුවෙන් නොකා නොබී වෙහෙසෙන්නත් පුලුවන්. සරල කොල්ලෙක් තාත්ත කෙනෙක් උනාම දවසක දරුවෝ වටිනවා සරල කොල්ලෙකුට  ගේ දොර වැඩ ඕනෑම එකක් පුලුවන්. කටට රහට උයන්න. තමන්ගේ බිරිඳව මරා නොගෙන උදව් කරනවා ඒ වගේම කෙල්ලෙක්ගෙ හිතක් උස්සලා ගෙනිහින් හඳේ තියන්න තරම් ලස්සනට මල් කඩන්නත් පුලුවන්. දතක් ළඟ තියෙන්නෙ ආකර්ෂණීය කාමයක් හා ලිංගිකත්වයක් පමණයි. සරල කොල්ලෙක්  ළඟ ආදරයේ උණුසුම පිරී ඉතිරී ගිය සුන්දර ශෘංගාරය තියෙනවා. දතක් අපිට සැරින් සැරේට ළං වෙනවා, ඈත් වෙනවා. ඒ උනාට ආදරය කරන සරල කොල්ලෙක්ව ජීවිතේ හැමදාම ළඟ තියාගන්න හිතෙනවා. දතත් එක්ක තරහා උනාම උව බැනලා එළවගන්න හිතෙනවා. සරල කොල්ලෙක්  එක්ක තරහා උනාම වුනත් ළඟට වෙලා ඉන්න හිතෙනවා. දතක් ළඟ ඉද්දි අපිට උව  හුරතල් කරන්න හිතෙන්නේ  නැහැ, සරල කොල්ලෙක්  එක්ක ඉද්දි අපිට ඒ කොල්ල  එක්ක හුරතල් වෙන්න හිතෙනවා. දතකට සාමාන්‍යයෙන් ඔබව අවශ්‍යතාවලදී මතක් වෙනවා. සරල කොල්ලෙකුට  ඔබව හැම වෙලාවෙම මතක් වෙනවා, ඒ නිසාම වෙලාවකට ඇණයක් කියලත් හිතෙනවා. දතකට, කෝල් කරන්න එපා කිව්වම, උ ඊළඟ අවශ්‍යතාවය එනකං සද්ද වහලා ඉන්නවා. ඒත් ඒත් ආදරේ කරන කොල්ල  එපා කියද්දිත් වාත වෙනවා. කෑවද බිව්වද නෑවද අහනවා. ගෙදර යන්නේ  කීයටද අහනවා, පරෙස්සමෙන් ඉන්න කියනවා. කොටින්ම කිව්වොත් දත සුවද ගහනවා. නිතරම කොලොන් පාවිච්චි කරනවා. සරල කොල්ලෝ   කොලොන් නැතත් හැමදාම සුවඳ හමනවා. මොකද එයාල හැමදාම නානවා. දතක් ඉන්න කෙල්ලන්ට සුභ පැතුම්, සරළ කොල්ලෙක් ඉන්න කෙල්ලන්ට බුදුසරණයි… දෙවිපිහිටයි.